வாகன விபத்தில் இலங்கை ஒளிபரப்புக் கூட்டுத்தாபனத்தின் சந்தைப்படுத்தல் பணிப்பாளர் நூரானியா ஹஸன் மரணமானார்

அநுராதபுரம் - றம்பேவ பகுதியில் இன்று (19.04.2012) காலை இடம்பெற்ற வாகன விபத்தொன்றில், இலங்கை ஒலிபரப்புக் கூட்டுத்தாபனத்தின் பணிப்பாளர் நூரானியா ஹஸன் வாகன விபத்தொன்றில் காலமானார். (இன்னாலில்லாஹி வஇன்னா இலைஹி ராஜிஊன்) 

இவர் இலங்கை ஒலிபரப்புக் கூட்டுத்தாபனத்தின் வர்த்தகத்துறை பணிப்பாளராகவும், முஸ்லிம் சேவை பணிப்பாளராகவும் கடமையாற்றியுள்ளார். இவருடன் மேலும் 6 பேர் காயமடைந்து வைத்தியசாலையில் அனுமதிக்கப்பட்டுள்ளனர்.

ஜாபீர், ஜெகன்மோகன், திருமதி யோகராஜன், சந்திரகாந்தன் ஆகிய சிரேஷ்ட ஊடகவியலாளர்களுடன் இலங்கை ஒலிபரப்புக் கூட்டுத்தாபன ஊழியர்களே படுகாயமடைந்துள்ளனர். 

இவர்கள் பயணித்த வாகனத்துடன் லொறி ஒன்று மோதியதில் இவ்விபத்து ஏற்பட்டுள்ளதாக தெரிவிக்கப்படுகின்றது.